La littérature géorgienne et l’histoire culturelle du moyen age

(translated from French by Tsisana Bibileishvili)

Abstract

მსურს ამთავითვე მოგახსენოთ: ჩემი მიზანი არაა წარმოგიდგინოთ ვრცელი მოხსენება, რომელიც ახლახან მოსმენილი ორი ბრწყინვალე გამოსვლის შემდეგ უფერული გამოჩნდებოდა. მსურს მხოლოდ, არ დავარღვიო ჩვენი სხდომის დღის წესრიგი, რომელშიც სპარსეთთან ერთად სომხეთი და საქართველოც ფიგურირებენ და რამდენიმე წამით თქვენი ყურადღება ქრისტიანულ აღმოსავლეთზე შევაჩერო. ვგულისხმობ ადრე შუა საუკუნეების არაბიზანტიურ ქრისტიანულ აღმოსავლეთს, ასე ვთქვათ, პერიოდს ჯვაროსანთა ლაშქრობამდე. დარწმუნებული ვარ, არავინ უსაყვედურებს ქრისტიანულ აღმოსავლეთს, რომ იყენებს უდავოდ კუთვნილ უფლებას და ჩვენი კონგრესის ყურადღების ცენტრში ექცევა (ტაში).